Процесс производства низ. конеч. (РУС/КАЗ)

Қолдарды протездеу медициналық оңалту кезеңі болып табылады, оның нәтижелері мүгедектің қазіргі қоғамға кірігу мүмкіндігін айқындайды.

Оңалту тиімділігіне әсер ететін негізгі факторлар: ампутация дәрежесі мен себебі, тұқылдың анатомиялық-функционалдық жағдайы және емделушінің жасы.

Емделушіні тексеру кезінде дене құрылымында және оның сегменттерінде нормадан тыс ауытқулардың бар жоқтығы анықталады, аяқ-қолдың ұзындығы мен көлемі өлшенеді, буындардағы қозғалыс амплитудасы, бұлшықет күші және тірек-қимыл жүйесінің функциялары анықталады. Ампутацияның деңгейі мен себептері, аяқтың ақаулары мен аурулары, қатар жүретін аурулар, дене салмағы мен жасы анықталады. Тексеру және емделушіге жеке кеңес беру нәтижелері бойынша протез конструкциясы тағайындалады және өлшемдер алынады.

Қол протездерін жасау үшін тұқылдың гипстен көшірме бедері бойынша жасалған қабылдау гильзалары пайдаланылады. Протездеудің сәттілігі қабылдау гильзасының кесілген қолдың анатомиялық параметрлеріне сәйкес келуімен тікелей байланысты. Гипс таңғыштарын қолдана отырып, тұқылдың кеңістіктік ізі алынады - гипс ерітіндісімен құйылған негатив және позитив алынады, ол кейіннен сүйек доғаларының босатылуын және тұқылдың қабылдағыш гильзасына еркін енуін ескере отырып қолмен өңделеді. Позитив емделушінің кесілген аяқ-қолының мүсіндік көрінісі болып табылады.

Кесілген аяқтың мүсіндік ұқсастығына сәйкес, позитивті, сынамалы қабылдау гильзасы жасалады. Өлшеу кезінде гильзаның ішкі қуысының тұқыл пішініне сәйкес келуінің дәлдігі тексеріледі. Протез кесілген қолда мықтап отыруы керек, бірақ ыңғайсыздық, ауырсыну және аллергиялық реакциялар туғызбауы керек. Өлшеуден кейін протездік өнімді алдын-ала құрастыру және сынау жүргізіледі. Бұл кезеңде емделушіге протезді қолдану үйретіледі, қабылдау гильзасын қиыстыру және өнімнің құрамдас бөліктерін түзеу аяқталады.

Сынақты киюден және техника бұйымын пысықтағаннан кейін протезшілер тұрақты қабылдау гильзасын дайындауға және сынақ кезеңінде анықталған барлық өзгешеліктерді, сондай-ақ анатомиялық, физиологиялық, антропометриялық және биомеханикалық аспектілерді ескере отырып, протездің түпкілікті схемасын жасауға кіріседі. Қабылдау гильзасы дайын болған кезде, өнімді түпкілікті құрастыру және оны емделушіге беру жүзеге асырылады. Жасанды қолдың косметикалық қабығы табиғи қолдың түсіне ұқсастырылып немесе кез келген басқа түсті және графикамен қоса жасалуы мүмкін. Оңалту іс-шараларының кешені протезде жүруді, күнделікті түрлі жағдайларда оны дұрыс ұстауды, сондай-ақ бұйымға, қаптарға және тұқылға күтім жасауды үйретуді қамтиды. Ампутацияның әр жағдайы және сәйкесінше протездеудің әр процесі ерекше. Сондықтан біздің компаниямыздың техник-протезшілері мен реабилитологтары протездеудің әрбір жеке жағдайында әрбір клиентке жеке тәсілдеме қолданады.

Біздің протездік-ортопедиялық орталықтар желісі Қазақстан Республикасының басым бөлігінде орналасқан. Бізге хабарлассаңыз болғаны, қай орталықтың немесе шеберхананың сізге жақын екенін айтамыз. Ал егер мемлекеттік тапсырыс бойынша бізден протезделетін болсаңыз, сізді стационарымызда жатын орынмен қоса тамақпен де қамтамасыз етеміз.